主页 > F轻生活 >【轮证赢家】见好即收 >

【轮证赢家】见好即收

【轮证赢家】见好即收放大图片

仲以为噚晚收工返屋企会好似打仗咁,落到去驳住地铁站嘅商场,未落到梯楼落去就已经开始塞人,不过「你咁样係唔会令到我惊」,香港人向来都迎难而上,慢慢排、慢慢入闸。

今朝望一望条街,再望望远处见到嘅隧道情况,隧道仍旧都係慢驶,而至少屋企楼下再唔见噚日嗰种盛世。再WhatsApp问问战友Jack同阿Jo,两个都话路面情况良好,而我就同平时差唔多,9点40分就已经返到公司。

噚日喺[下半part]时拣咗只恒指牛(55065)出嚟,话等5分钟图上见超卖先好落场。其实大市由噚日上半场抽升逾300点之后,下昼见脚软,就咁睇账面似乎有好多位可以将只(55065)落场,但其实拆开5分钟图睇清楚,恒指喺下半场大约3点10至15分,同埋3点45分至完场呢两段时间,SlowSTC(14,3)先至落到严重超卖水平,呢个时候如果将(55065)落场嘅话,就100%係要过夜。照计上述两段时间(55065)高低位做过$0.049/$0.047同$0.046/$0.040,平均买入价就分别係$0.048同$0.043。

今朝恒指开市跌过百点,开市报25736点,惟至依家10点23分为止,恒指都已经跌少咗,依家做紧25822点,跌70点。不过(55065)证价比噚日平均买入位价低10格有多,见5分钟图上恒指SlowSTC(14,3)就啱啱喺10点15至20分上到50至60呢个位之后就无力再上,%K线跌穿%D线,幸好嘅係仲未出现快速下行。

趁呢段时间再睇埋恒指牛熊证街货图,噚日见到有新牛证上市,今日即见最贴价25700至25799点,呢度有相当于135张期指;而牛证重货区仍然喺 25000至25099点,但就只有790张期指。

至于上方熊证最贴价就係26400至26199点,不过呢度一滴街货都无,所以仍然可以将26200至26299点呢度视为最贴价区,呢层同噚日一样都係重货层,不过就无噚日过千张期指咁开心,只得852张期,但都叫做多过牛证重货。

依家10点37分,恒指似乎再发动攻势,依家做紧25850点,跌42点,再计计牛熊街货中间位(26200+25799)/2=25999.5点,换言之恒指现价虽然跌少咗,但仍然挨近下方牛证街货,更何况话就话25000至25099点呢度先至係重货啫,但其实25500至25599点呢度都有成776张期指,讲紧同现价只係相差350点就可以落得到去,沿途食埋嗰两层(25700至25799点,同25600至25699点)街货(分别相当于135同407张期指),total就有1318张期指,咁咪过千啰。

又换言之,(55065)依家睇似乎有啲危险,再望多眼恒指5分钟图SlowSTC(14,3)上到7X水平又想再落,唯有望实少少,(55065)见好即收。

作者阿珊,任财经/投资版传媒人十几年,《钟摆战略赢港股》作者。用技术分析专心玩轮证,唔贪心,志在搵餐下午茶。

电邮:[email protected];FB:轮证赢家

上一篇: 下一篇: